СТАВРОПОЛЬШТА АБАЗАКВА. НАРЦАН

Афильм «Ставропольшта абазаква» урышв бызшвала йапхъахауата хIызту асквш ахъа йгIадырбатI. Ужвы ауи абаза бызшвалагьи йадынхалитI.

Йапхъахауа ахъвы хIазырхатI йгьи ауатыкв йгIаталтI. Ауи йахьызпI «Абаза Нарцана». ЙащтагIайуа ахъвквагьи уыжвласыла йхIазырхуштI.

УахьчIвала абазаква гIвыма къраль 50 райхIа йыртабзазитI. ЙалкIгIата ауат ракIвпI абаза бызшвала йадгалата ауи афильм ззынарху.

Урышв бызшвалагьи абаза бызшвалагьи афильм асценарий дадынхалтI ЧкIала Георгий. Ауи ахъыхра йагIаджвыквцIагIвпI, йадгалагIвпI Ставрополь шIыпIа апны йбзазауа абазаква руагIахъа-культура жвлара «Абаза» йгьи ауи аунашвачпагIв Чагва Армида.